Nën-grante SPACE për të mbështetur OSHC-të lokale që veprojnë në sektorët e shëndetësisë dhe arsimit

Përshkrimi i mundësisë

Shoqata “Together for life”, në bashkëpunim me BIRN Albania, Qëndresa Qytetare dhe Destiny Center for Excellence, po zbatojnë projektin “Mbështesim pjesëmarrjen, llogaridhënien dhe fuqizimin e shoqërisë civile” (SPACE), mbështetur financiarisht nga Komisioni Evropian.

Skema e nëngranteve, e ndarë në dy faza, përbën një komponent jetik të projektit SPACE. Kjo thirrje e hapur për projekt propozime është pjesë e raundit të dytë të skemës së nën-granteve dhe është specifikisht e dedikuar për organizata lokale që ndodhen dhe veprojnë jashtë Bashkisë Tiranë. Ndërmjet kësaj thirrje do të mbështeten deri në 6 organizata të shoqërisë civile, me grante që varjojnë nga 6000 EUR në 8000 EUR.

Objektivi specifik i kësaj Thirrje për Propozime është të ofrojë mbështetje financiare për OSHC-të e vogla lokale, nga rajone të ndryshme të Shqipërisë, duke ju dhënë atyre mundësinë të nxisin transparencën dhe llogaridhënien e institucioneve publike lokale në sektorët e shëndetësisë dhe arsimit, duke punuar paralelisht drejt avokimit dhe ndryshimit.