Konkurset Kombëtare të Aftësive, Edicioni i Nëntë

Përshkrimi i mundësisë

Në datat 13-15 dhjetor 2024, AlbanianSkills në bashkëpunim me Piramidën e Tiranës dhe me mbështetjen e plotë të saj, do të organizojë Konkurset Kombëtare të Aftësive, Edicioni i Nëntë.

Kjo është një nismë vullnetare, e frymëzuar nga WorldSkills, e çdo vit, që nga viti 2015, ka mbledhur më shumë se 300 të rinj të moshës 16-25 vjeç, që sfidojnë veten në disa kategori aftësish:

Web Development;
Software Development;
Graphic Design;
Fotografi;
Marketing Digjital;
Sipërmarrje & Zhvillim Biznesi;
Shërbime Hoteliere & Restoranti;
Kuzhina & Pastiçeria;
Parukeria;
Berberi.

Të rinjtë do të konkurrojnë për tre ditë me radhë dhe do të sfidojnë veten nga detyrat që juria profesioniste do i japë dhe do i vlerësojë ata. Tre fituesit e vendeve e para do të shpërblehen me mundësi praktikash profesionale, punësimi, vizita në konferenca ndërkombëtare, vizita studimore dhe fituesit e vendit të parë do të kenë mundësi të vizitojnë EuroSkills 2025 që do të zhvillohet vitin e ardhshëm në Herning, Danimarkë.

1. Sigurohuni të lexoni të gjitha kriteret për të qenë pjesë e konkursit në kategorinë që dëshironi të aplikoni;
2. Në fund të çdo përshkrimi, të çdo kategorie, ndodhet linku për t’u regjistruar “Click Here”;
3. Linku ju ridrejton te ndërfaqja e aplikacionit Yume, ku do të krijoni një llogari (Signup) dhe më pas do hyni në aplikacion (Login) me të dhënat e llogarisë që sapo krijuat;
4. Aty do të shfaqen të gjitha kategoritë dhe përzgjidhni kategorinë që do të aplikoni;
5. Sigurohuni të plotësoni çdo fushë dhe me të dhëna të sakta.

Në fund, do ju shfaqet QR code dhe do ju vijë një email konfirmimi që jeni regjistruar në konkurs. Këtë email duhet ta ruani!

Ai do të skanohet nga ne, ditët kur do të zhvillohen konkurset.