Programi i Praktikave – Praktikant në AlbanianSkills

Job Description

Përshkrimi i Organizatës
AlbanianSkills – National Association for Skills Competitions (NASC) është një organizatë joqeveritare që përbëhet nga profesionistë të rinj dhe të avancuar, vendas dhe ndërkombëtarë, të angazhuar për zhvillimin e rinisë dhe aftësive në Shqipëri dhe jashtë saj. Misioni i organizatës është të promovojë aftësitë profesionale, inovacionin dhe sipërmarrjen tek të rinjtë në Shqipëri, duke fuqizuar aftësitë e tyre dhe pasionin për inovacion. Iniciativat kryesore përfshijnë Garat Kombëtare të Aftësive çdo vit në Shqipëri, Javën e Aftësive Shqiptare, Ditet e Orientimit në Karrierë, Vajzat Shqiptare në ICT, dhe Festivalin e Aftësive, Karrierave dhe Punëve, ndër projekte të tjera me ndikim.

Përshkrimi i Rolit
Kërkohet një Praktikant i/e motivuar që të bashkohet me ekipin tonë. Kandidati ideal duhet të jetë student, qoftë në shkollën e mesme profesionale (VET) ose në universitet, preferohet të jetë në vitin e tretë të një Bachelor në Gazetari, Gjuhën Shqipe ose Dizajn Grafik. Praktikanti do të ketë mundësinë të angazhohet në punë kreative dhe me ndikim, duke përfshirë shkrimin e artikujve, krijimin e përmbajtjes mediale dhe dizajnimin e materialeve për shpërndarje. Pozita e praktikantit është me kohë të pjesshme, duke ofruar orare fleksibile për të akomoduar orarin tuaj akademik.

Përgjegjësitë Kryesore
– Të shkruaj dhe redaktoj artikuj dhe përmbajtje për platforma të ndryshme mediale.
– Të krijoj dhe dizajnoja materiale shpërndarjeje, si posterë, broshura dhe grafika për mediat sociale.
– Të ndihmoj në zhvillimin dhe ekzekutimin e strategjive të komunikimit.
– Të marr pjesë në krijimin e përmbajtjes video dhe të menaxhoj detyra të thjeshta të montimit të videove duke përdorur mjete si CapCut.
– Të bashkëpunoj me anëtarët e ekipit për të mbështetur misionin dhe iniciativat e organizatës.
– Të kontribuoj në ruajtjen e pranisë online të organizatës, përfshirë llogaritë e mediave sociale.

Kualifikimet
– Aktualisht i regjistruar në një shkollë të mesme profesionale (VET) në fushën e Administratës së Zyrës, Dizajnit Grafik ose një fushe të ngjashme. Studentët nga shkollat e mesme të përgjithshme inkurajohen gjithashtu të aplikojnë.
– Dëshirë e fortë për të zhvilluar kureshtje dhe kreativitet në shkrimin dhe dizajnimin e materialeve.
– Aftësi të shkëlqyera komunikuese dhe gatishmëri për të mësuar dhe u rritur.
– Njohuri të mirë të gjuhës angleze (minimum B2); njohja e gjuhëve të tjera, veçanërisht italishtes, është një plus.
– Eksperienca me Canva për krijimin e përmbajtjes vizuale dhe CapCut për montimin e videove është shumë e dëshirueshme.

Aftësitë dhe Atributet Ideale
– Kreativitet dhe pasion të fortë për krijimin e përmbajtjes, përfshirë video dhe materiale për mediat sociale.
– Njohuri bazike për mjete dizajni dhe montimi të videove si Canva dhe CapCut.
– Aftësi për të punuar në mënyrë të pavarur dhe në bashkëpunim në një ambient dinamik.
– Pasion për misionin e Albanian Skills dhe angazhimi për të kontribuar pozitivisht në iniciativat e organizatës.

Bonuset
– Mundësi për zhvillim profesional në një ambient ndërkombëtar.
– Vouchers/kompensim për nevojat logjistike.
– Shansi për të punuar ngushtë me profesionistë nga sfonda të ndryshme dhe për të forcuar rrugën tuaj të karrierës.